صدائےدرویش
ایک محترم پختون دوست کے status کا جواب۔
آپ اس بچے کی آواز کو صرف پختون قوم کی آواز کیوں کہتے ہیں، سے پوری اُمت مسلمہ کی آواز کہیں تو زیادہ بہتر ہوگا، میرے آپکے اور ہم سب کے آقا و مولیٰ (صلی اللہ علیہ و آلہ و اصحابہ وسلّم) کی پوری اُمت کہیں بھی سکون اور عزت کی زندگی گزار رہی ہے؟
یہ لارنس آف عربیہ کا فارمولا تھا کہ توڑو انتشار پھیلاؤ، عصبیت اور فرقہ ورایت پھیلاؤ اُمتِ مسلمہ کو تقسیم در تقسیم در تقسیم کرتے چلے جاؤ اور اپنے مذموم مقاصد حاصل کرو اور ہر ٹولے کو یقین دلائے جاؤ کہ مسلمان قوم میں تم ہی Superior اور سب سے بلند و برتر ہو، تقویٰ اور پرہیز گاری کے بجائے نسل پرستی پر مبنی قومیت اور فرداً فرداً سب کو دوسرے مسلمانوں سے اعلیٰ و ارفع ہونے کا درس دو، تاکہ کوئی بھی دوسرے مسلمان کی قیادت کو اور اہمیت کو تسلیم کرنے کی کوشش ہی نہ کرے اور دنیا بھر میں مسلم لیڈر شپ کا تصّور ہو ختم ہو جائے اور ایسا ہو بھی رہا ہے۔ افغانستان اس کی عصر حاضر میں ایک مثال ہے، طالبان اور افغان حکومت کے مذاکرات ناکام ہونے کی وجہ ہی یہی فارمولا ہے۔
یہی وہ مکروہ فارمولا ہے جس کی وجہ سے اسلام میں اکائی اور وحدت ملّی کا جو تصور تھا وہ نہ صرف ٹوٹا بلکہ ایک طاقتور مسلم بلاک (خلافتِ عثمانیہ) بھی ٹوٹ گیا، اس وقت کوئی ملک بھی دوسرے ملک کو اپنا ترجمان یا نمائدہ ماننے کو تیار نہیں، اگر کوئی معاشی طور پر مستحکم ہے تو دوسرا ملک دفاعی لحاظ سے کمزور، عجیب افراتفری مچی ہوئی ہے۔
یاد رکھئے سب سے پہلے ہم سرف مسلمان ہیں صرف مسلمان، بقول شاعری کے اس میسج کے کہ پختونوں پر ظلم ہو رہا ہے تو کیا شامیوں، عراقیوں، لیبیا اور یمن میں نہیں ہورہا یا ہوا؟
کیا روہنگیا, فلسطینی، ایغور اور کشمیری آج آسمان کی طرف منہ اٹھا کر نہیں رو رہے؟
کیا اپنوں کے ہاتھوں ہی ذلیل و رسوا گھروں سے بے گھر در بدر شامیوں کو آج یورپ پناہ نہیں دے رہا؟
کیوں دے رہا ہے؟ آپکو اندازہ ہونا چاہئے۔ احادیثِ مبارکہ کے مطابق قُربِ قیامت کے آثار ظاہر ہونے پر مسلمانوں کیلئے "شام اور یمن_ کی بہت بڑی اہمیت ہوگی.
آپ علیہ السلام کی ایک حدیث پاک کا مفہوم ہے " جب تم پر مکہ/حرمین شریفین کی زمین تنگ ہو جائے تو تم لوگ" شام اور یمن٫ کا رخ کرنا" یہی وجہ ہے یہ یہودی نصاریٰ نے دونوں ملکوں کی اپنوں کے ہاتھوں ہی اینٹ سے اینٹ بجوا دی جو کہ مندرجہ بالا حدیث پاک کی رُو سے مسلمان کی آخری پناہ گاہ ثابت ہونے تھے۔
غور سے سنو!
جن جن مسلمانوں کو یورپ اور امریکہ پناہ دے رہا ہے بلاخر انکو " عیسائی" بنانے کی بھرپور کوشش کرے گا کہ جہاں مسلمانوں نے نبی (علیہ السلام) نے وقت آخر میں مسلمانوں کی جائے پناہ قرار دیا ہے، وہ بھی اہل ایمان کیلئے محفوظ نہ رہے۔
لمبی پلاننگ ہے، اسی لئے تو میں مسلمانوں کو "خوابیدہ قوم" کہتا ہوں، آپ پختون قومیت کے سرکل سے باہر نکل کر دیکھیں سوچیں سمجھیں، پورا عالم اسلام ہی سر پر ہاتھ رکھے دھاڑیں مارتا ہوا ملے گا، صرف ہم امت کی یہ سسکیاں یہ دھاڑیں اور آہیں سننے کو تیار نہیں ہیں, کیوں کہ ہم، سنی، شیعہ، دیوبندی، اہل حدیث ہوکر سوچتے ہیں مومن بن کر نہیں۔
پختون، پنجابی، سندھی بلوچی، عربی عجمی، افریقی وغیرہ تو خود کو مانتے ہیں مگر بد قسمتی سے امتِ رسولِ ہاشمی (صلی اللہ علیہ وآلہ واصحابہ وسلم) نہیں۔ اصل فساد کی جڑ ہی یہ ہے، یہی وہ جال ہے جو یہود و نصاری نے پھینکا تھا، جس سے ہم آج بھی نکلنے کو تیار نہیں ہیں، اللہ ہم سب پر اپنا کرم فرمائے اور سب کچھ سمجھے کی توفیق دے۔
(وما توفیقی الا باللہ)
آپکا:-
جی۔ایم چوہان۔
16=09.2020.
کوئی تبصرے نہیں:
ایک تبصرہ شائع کریں