پنجابی زبان کی ایک ضرب المثل اور ہم

 صدائے درویش

 اخے چیمے تے چٹھے کھان لیئ وکھرے وکھرے تے لڑن لیئ کٹھے

پنجابی زبان کی ایک ضرب المثل اور ہم

میرے دوستو!

کسی دور میں میں اپنی والدہ مرحومہ ( اللہ انکو جنت میں جگہ دے اور انکی روح کو سکون بخشے) کسی بات پر کہنے لگیں " اخےچیمےتےچٹھے  کھان لئ وکھرے وکھرے تے لڑن لئ کٹھے"۔ مجھے بہت کچھ سیکھنے اور آگے آپ سب سے شیئر کرنے کیلئے جنّت مکانی والدہ مرحومہ سے بھی ملا ہے، خصوصاً پنجابی ضرب المثل وغیرہ

اس پنجابی ضرب الامثال کا مطلب یہ ہے کہ

چیمے اور چٹھے کھانے پینے میں تو بظاھر الگ الگ نظر آتے ہیں لیکن اگر کوئی باہر آکر ان پر حملہ اور ہو یا افتاد آن پڑے توباہم متحد ہو کر سب سے پہلے جارح کے دانت کٹھے کر دینے کیلئے ایک ہو جاتے ہیں۔

ایسے ہی سوچ میں گم تھا کہ ہم سب وطن عزیز کی بقاء اور سلامتی کیلئے سب کے سب ایک پیج پر جو جائیں تو بہتر ہے، اسی دوران مجھے امّی جی کی بات یاد آ گئی جو انہوں نے کسی زمانے میں کہی تھی۔

ملکی سطح پر ہم پنجابی، سندھی، بلوچ، پشتون، مہاجر، گلگاتی، کشمیری اور پتہ نہیں کیا کیا ہیں، سنّی، شیعہ، دیوبندی، بریلوی، اہل حدیث اور نجانے مزید کیا کچھ۔ کوئ لیگی ھے، کوئ پٹواری، کوئی انصافی تو کوئی پیپلا وغیرہ، کوئی قوم پرست۔ کوئی ملا کوئی خطیب کوئی حافظ تو کوئی قاری وغیرہ اور کسی مزھبی گروپ کا پیروکار یا ممبر، کوئی رانا کوئی راجپوت، کوئی جاٹ یا بٹ وغیرہ اور کوئی سید، خان یا سماٹ۔

 میرے لئے یہ انتہائی دکھ کی بات ہے کہ کوئی بھی اس ملک میں اپنی شناخت بحیثیت ایک پاکستانی کے کروانے کو تیار ہی نہیں، یہ 70سال سے زائد گزر جانے کے بوجود بھی ہمارا قومی المیہ ہے یا بدقسمتی کہ ہم اب ٹک ہماری اصل پہچان یعنی پاکستانیت کو ملک میں فروغ دے ہی نہیں سکے۔

موجودہ حالات ہم سب کے سامنے ہیں ان حالات میں متحد ہو جاتا ہی قومی وقار کی علامت ہے اور ملکی بقاء دوام کیلئے ھم سب کا ایک پلیٹ فارم پر اکٹھا ہونا بہت ضروری ہے، ورنہ آثار ہیں کہ ہم صفحہء ھستی  سے ھمیشہ ھمیشہ کیلئے متا بھی دیئے جا سکتے ہیں، اس بات کے آثار اب جگہ جگہ نظر بھی آنا شروع ہوچکے ہیں ۔

حزب اقتدار ہو یا حزب اختلاف، ہم سب کو اب نہیں تو کبھی بھی نہیں کی کی نہیں کی بنیاد پر ملکی سالمیت اور بقاء کیلئے ایک ہو جانا ہی ہم سب کی بہتری کے لئے ہے۔ آئیں ہم سب پنجابی کی مندرجہ بالا کہاوت کی طرح سے سب اکٹھے ہو کر چیمےاورچھٹوں کی طرح ملک دشمن عناصر سے لڑنے کے لئے فی الحال ایک ہو جائیں، زندگی بخیر اگر بقاء کی جنگ لڑنے اور جیتنے میں کامیاب ہو گئے تو آپس کی لڑائیاں بھی لڑ ہی لیں گے۔

میں نے علامہ سر محمد اقبال رحمت اللہ علیہ کے ایک شعر کو localize کیا ھے، بندہء ناچیز موجودہ حالات کے تناسب اور تناظر میں جو کہنا چاہتا تھا کہہ چکا۔

آپ سب کی قیمتی آراء کا منتظر ہوں!

خیر اندیش :-

غلام محمد چوہان،

15.06.2020