صد ا ئے د رویش
حدیث شریف سے ایک روایت کا مفہوم ہیکہ:-
ایک صحابی نبی کریم ( صلی اللہ علیہ وآلہ واصحابہ وسلم) کے پاس آیا اور عرض کی "یا رسول اللہ!
میرے کچھ دوست احباب اور کچھ رشتہِ دار مجھ سے بہت محبت کرتے ہیں اور کچھ مجھے بہت دق کرتے، لڑتے جھگڑتے اور پریشان کرتے ہیں، میں جاننا چاہتا ہوں کہ کیوں؟
آپ نے مسکرا کر جواب دیا "عالم ارواح میں جو روحیں تمہاری روح کے پاس تھیں اور جو تم سے محبت بھی کرتی تھیں وہ اب دنیا میں بھی پیار کرتی ہیں اور جو وہاں تمہیں دق کرکے لڑتی جھگڑتی تھیں وہ اس دنیا میں بھی آ کر لڑائی جھگڑا کرتی ہیں، یہ مسئلہ عالم ارواح کا ہے، یہ یہاں کا نہیں"
صدق یا رسول اللہ (صلی اللہ علیہ وآلہ واصحابہ وبارک وسلم)
اب ہم غور کریں تو اندازہ ہوتا ہے کہ کچھ لوگوں کو ہم نے دیکھا ہی نہیں ہوتا لیکن پہلی ملااقات میں ہی یوں لگتا ہے کہ جیسے ہم نے اسے کہیں دیکھا ہے، بیساختہ جی چاہتا ہے کہ ہم اس کے پاس بیٹھیں، قربت حاصل کریں اور بات چیت بھی کریں۔
میں عام زندگی میں فقیر حقیر اکثر یہ سوچتا تھا کہ ایسا کیوں ہوتا ہے کہ کچھ لوگوں میں سے خود بخود اپنائیت کی خوشبو کیوں اٹھتی ہے، کیوں کوئی انجانا سا چہرہ اپنا اپنا سا لگتا ہے کہ اس سے جیسے صدیوں کی شناسائی ہو؟
یہ حدیث مبارکہ پڑھنے کے بعد میری یہ گرہ بھی کھل گئی تھی۔
طالب دعا:-
جی۔ایم چوہان۔
October 28, 2019
کوئی تبصرے نہیں:
ایک تبصرہ شائع کریں