منقول - حاصل مطالعہ
حق کیا ہے۔؟
مسلم شدت پسند کہتے ہیں کہ لبرلز کو ختم کرنا حق ہے۔
لبرلز کہتے ہیں کہ دین اسلام اور مسلمانوں پر سنگین تنقید کرنا حق ہے۔
شیعہ کہتے ہیں کچھ اصحابہ کرام کو برا بھلا کہنا اور منع کرنے والوں کو آل بیت کا منکر کہنا حق ہے۔
سنی کہتے ہیں اہل تشیعوں کو انکے اس طرز عمل کی بنیاد پر کافر کہنا قتل کرنا اور گالیاں دینا حق ہے۔
دیوبندی کہتے ہیں ۱۲ ربیع الاول پر جشن منانے والوں اور درباروں پر جانے والوں کو گالیاں دینا حق ہے۔
جبکہ بریلوی کہتے ہیں ایسا کرنے سے منع کرنے والوں کوگالیاں دینا اور منکر کہنا حق ہے۔
یہ تمام گروپس فرقے یا کمیونٹیز اپنی اپنی جگہ "حق" ہی کی بات کررہے ہیں تو پھر کریں کیا؟؟
یہاں سے "ریاست اور حکومت" کا کردار شروع ہوتا ہے جب مختلف گروپس کے اپنے اپنے حق سے شرانگیزی ، خانہ جنگی اور لڑائی جھگڑے کا اندیشہ ہو تو حکومت کو ایک لائن بنانی چاہیئے , کُچھ ضابطہ اخلاق بنانے چاہیئیں, ایک قانون بنانا چاہیئے کہ
لبرلز دین اسلام کا مزاق نہیں اڑائیں گے۔
شدت پسند لادین حضرات کے قتل کا فتوی جاری نہیں کریں گے۔
شیعہ حضرات جلیل القدر اصحابہ کو برا نہیں کہیں گے۔
سنی حضرات شیعہ لوگوں کا کافر نہیں کہیں گے۔
۱۲ ربیع پر جائز حدود کو کراس نہیں کیا جائیگا۔
اور اس قانون پر عمل درآمد کرواتے ہوئے کریک ڈاؤں کرنا چاہیئے۔
لیکن یہ کریک ڈاؤن لبرلز اور لادین حضرات تک محدود نہیں رہنا چاہیئے بلکہ ان تک وسعت دینی چاہیئے جو
آصحابہ کرام کی توہین کرتے ہیں
جو شیعہ کمیونٹی کو قتل کرنے کا درس دیتے ہیں
جو داعش، بوکو حرام، حزب اللہ، پاسداران انقلاب، حماس اور القاعدہ جیسی دہشت گرد تنظیموں کو اپنا رہبر مانتے ہیں۔
جو سپاہ محمد اور لشکر جھنگوی کی بیعت کا کھلم کھلا اعلان کرتے ہیں۔
اور جو احمدیوں کو پاکستانی ریاست کا شہری ماننے اور سانس لینے کا حق دینے کو بھی تیار نہیں اور اسکا کھلم کھلا اعلان کرتے ہیں۔
نوٹ : ان تمام حق کہنے والوں کو انکے حال پر نہیں چھوڑا جاسکتا کیونکہ
لبرلز اسلام کی توہین کریں گے تو شدت پسند انہیں گالیاں بھی دیں گے ماریں گے بھی۔
شدت پسندوں کے پرتشدد رویے پر طاقتور لبرلز بدلے میں انہیں بھی ماریں گے۔
شیعہ اصحابہ کرام کو اعلانا گالیاں دیں گے تو سنی ان کے قتل کے فتوی بھی دیں گے اور کچھ عمل بھی کریں گے۔
سنی جب قتل و غارت کریں گے اور یزید کو عزت دیں گے تو طاقتور شیعہ بھی پورا پورا بدلہ لیتے ہوئے انہیں ضرور ماریں گے۔
نتیجتا پورے ملک میں ہر طرف آگ اور قتل و غارت (اور پاکستان اس طرف بڑھ بھی رہا ہے) لہذا ریاست کا فوری اور سخت ایکشن ہماری بڑی ضرورت بن چکا ہے اب جو کام شروع ہوا ہے اللہ کرے کہ یہ اپنے اختتام تک پہنچے کسی سیاسی یا مسلکی مک مکا کا شکار نہ ہوجائے۔
نجم نامہ
کوئی تبصرے نہیں:
ایک تبصرہ شائع کریں